Бишкек мэриясынын маалымат кызматынын билдирүүсүнө караганда, борбордо 5 социалдык объект жана 1 өнөр жай объектиси ачылган.
Свердлов районунда А.Молдокулов атындагы инновациялык технологиялар боюнча жаңыланган Улуттук мектеп-лицейинин капиталдык оңдоп-түзөө иштеринен кийин салтанаттуу ачылышы болду.
Иш-чарада Бишкек мэринин орун басары Нургазы Курманбеков, Свердлов районунун акиминин орун басары Айбек Джолдошев, Чүй облусунун УКСинин орун басары Дуйшон Сарымсаков, ошондой эле мектептин педагогикалык жамаатынын өкүлдөрү катышты.
Мэрияда мектептин имараты 1980-жылы курулгандыгын жана ошол убактан бери капиталдык оңдоп-түзөө иштери жүргүзүлбөгөндүгүн белгилешти. Азыркы учурда бул жерде 3140 окуучу билим алууда.
