УКМКнын маалымат кызматынын маалыматына ылайык, Кыргызстанда элдин социалдык муктаждыктарын канааттандырууга, заманбап билим берүү мекемелерин түзүүгө, ошондой эле мектептер, бала бакчалар жана төрөт үйлөрүн курууга багытталган көптөгөн ири долбоорлор ишке ашырылууда.
«Негизги максат - келечектеги муундарга ден соолукка жана бактылуу балалыкка ээ болууга, ошондой эле татыктуу билим берүүгө шарт түзүү, алар мамлекет үчүн пайдалуу жарандар болушу үчүн», - деп баса белгилешти маалымат кызматында.
Иш-чаранын жүрүшүндө Ташиев Чүй облусундагы учурдагы аракеттер тууралуу маалымат бөлүшүп, социалдык объектилердин, мыйзамсыз приватизацияланган заводдордун жана жерлердин кайтарылышы боюнча темада айрым адамдар тарабынан дезинформация таралып жатканын белгиледи.
