Ал Ош шаарындагы Кызыл-Кыштак айыл аймагындагы Ишкалан айылында жайгашкан Мадамин Назаров атындагы орто мектеп жана Камил Макаримов атындагы №62 мектепке болгон сапарынын жүрүшүндө олуттуу көйгөйлөрдү аныктады.
Ахмедова бул билим берүү мекемелеринин имараттары авариялык абалда экенин жана учурда жабык экенин белгиледи. Натыйжада, окуучулар альтернативдүү жерлерде билим алууга мажбур болушууда — алардын бир бөлүгү мечитте, ал эми калган бөлүгү ФАПтын имаратында окуп жатышат.
Депутат бул мектептер бюджетке киргизилгенин, долбоордук иштердин бүткөрүлгөнүн айтты. Ал 2026-жылдын башынан баштап курулуш иштерин баштоо үчүн финансылык каражатты тез арада бөлүүнү сунуштады.
Ошондой эле Ахмедова Сарай айылындагы (Юсупов айыл өкмөтү) Капар Нарбаев атындагы мектеп жана Абдурашид Саламов атындагы мектеп (Добо-Коргон айыл өкмөтү) тууралуу дагы маалымат берди.
Анын айтымында, бул мектептердин имараттары да абдан канааттандырарлык эмес абалда: полдор жана потолоктор чирип, нымдуулук бар, бул окуучулардын коопсуздугуна коркунуч туудурат. Депутат тиешелүү мамлекеттик органдарды текшерүү жүргүзүүгө жана зарыл чараларды көрүүгө чакырды.
