Ал борбордо 1996-жылы чыгарылган эски буу стерилизатору (автоклав) колдонулуп жатканын белгилеп, анын көп учурда бузулуп, талап кылынган иш көлөмүн аткара албай жатканын айтты.
Депутаттын айтымында, мекеме күнүнө 100дөн ашык стерилизацияны аткарууга муктаж, бирок автоклавдын бузулушу себептүү медициналык инструменттерди тез жардам унаасы менен №6 төрөт үйүнө ташып, андан кийин кайра алып келүүгө туура келет.
Садырбаева мындай кырдаал санитардык нормаларга жооп бербестигин жана ар кандай медициналык мекемелерде, анын ичинде гнойлуу инфекциясы бар бейтаптар дарыланган бөлүмдөрдө стерилизация жүргүзүлгөндүктөн, кросс-инфекция тобокелдигин жаратканын баса белгиледи.
Ошондуктан депутат Улуттук энелик жана балалыкты коргоо борборун жаңы автоклав менен камсыз кылуу үчүн дароо чара көрүүгө чакырды.
