Агроөнөр жай министринин орун басары Жаныбек Керималиев республикада ветеринардык-санитардык талаптарга толук жооп берген союу цехтери бар экенин билдирди. Ошол эле учурда, ал бул талаптарга жооп бербеген объектилердин бар экенин белгилеп, Ветеринардык кызматтын аларды жабуу боюнча чараларды көрүп жатканын кошумчалады.
Аманова Агрардык министрликке бул багытта аракеттерин күчөтүүнү, ГЧП борбору жана бизнес коомчулугу менен кызматташып, союу цехтеринин санын көбөйтүүнү сунуштады.
Депутат ошондой эле өлкөдөгү сибирь жарасы боюнча катталган очоктордун санына кызыкты.
Ветеринария жана мал чарбачылыгын өнүктүрүү кызматтын директору Адилет Сотовалдиевдин айтымында, Кыргызстанда 567 сибирь жарасы очогу бар, алардын 560ы жергиликтүү бюджеттин каражаттары менен жоюлган.
Бирок Аманова бул баа берүүдө күмөн санап, кырдаалдын татаалдыгын жана Беккари ямдарынын бар экенин себеп катары көрсөткөн. «Очоктор жабылышы мүмкүн, бирок толук эмес», — деп баса белгиледи ал.
Маалымат:
Биотермиялык яма (Беккари ямасы) — бул жаныбарлардын өлүктөрүн жок кылууга арналган курулуш. Ал жер астындагы суулардын деңгээли төмөн (жер бетинен 2,5 мден жогору эмес) кургак, бийик жерде типтүү долбоорлор боюнча курулат жана элдүү жерлерден, суу жайларынан, кудуктардан жана мал өткөрүү жолдорунан кеминде 1 км аралыкта жайгаштырылат (булак).
