Берилген маалыматтарга ылайык, республикада 119 айылда таза ичүүчү суу менен камсыздоо боюнча курулуш иштер активдүү жүргүзүлүүдө. Жалпы алганда, программага 600 калктуу пункт киргизилген.
Ошондой эле, сугат суусу тармагында ири долбоорлор ишке ашырылып жатканын белгилөө керек. Учурда 14 суу чарба объектиси боюнча курулуш жүрүп жатат, ал эми 18 башка объект боюнча долбоорлоо улантылууда.
2026-жылга чейин насос станцияларын, каналдарды жана башка маанилүү курулуштарды камтыган 55 ирригациялык объекттин курулушун аяктоо пландалууда. Бул демилгелер айыл чарбасын өнүктүрүүгө, фермерлердин эмгегин жеңилдетүүгө жана суу ресурстарынын жетишсиздигин азайтууга багытталган.
