Гранттарды алгандардын арасында «Чон-Кемин» мамлекеттик табигый паркы өзгөчөлөнүп турат. Бөлүнгөн каражаттын жалпы суммасы 534 миң долларды түздү. Конкурстук тандоого катышуу үчүн 5 гектардан кем эмес жер участогун жана тиешелүү бизнес-планды сунуштоо зарыл болчу.
Бул демилге орман ресурстарын калыбына келтирүүгө, көчөттөрдүн сапатын жакшыртууга жана экологиялык туруктуулукту камсыздоого багытталган.
Су ресурстары, айыл чарба жана кайра иштетүү өнөр жайы министринин биринчи орун басары Жаныбек Керималиев заманбап питомниктерди түзүү ормандарды калыбына келтирүү жана өлкөнүн келечегин камсыздоо үчүн маанилүү кадам экенин белгиледи.
Ал: «Биз азыр эле экосистемаларды калыбына келтирүү жана айылдык коомдорду климаттык өзгөрүүлөргө адаптациялоо үчүн негиздерди түптөп жатабыз», - деп кошумчалады.
