Суу ресурстары, айыл чарба жана кайра иштетүү өнөр жайы боюнча вице-министр Жаныбек Керималиев долбоордун максаты калктын жана жаныбарлардын ден соолугун жакшыртуу, ошондой эле өлкөнүн экологиясын оңдоо экенин белгиледи.
Биринчи этап үч негизги багытты камтыйт:
- Зооноздорго каршы күрөш: жаныбарлардын ооруларына көзөмөлдү күчөтүү, эффективдүү диагноз жана дарылоо ыкмаларын иштеп чыгуу, жаныбарлардан адамдарга инфекциянын жугуусу боюнча маалымдуулукту жогорулатуу.
- Антибиотиктерге туруктуулукту алдын алуу: медицинада жана ветеринарияда антибиотиктерди рационалдуу колдонуу, альтернатива дарылоо ыкмаларын издөө, туруктуу бактериялардын жайылышын алдын алуу.
- Азык-түлүктүн коопсуздугун камсыздоо: өндүрүш жана кайра иштетүү бардык этаптарында санитардык шарттарды жакшыртуу, продукциянын сапатына көзөмөлдү күчөтүү.
Кошумча каражаттар ошондой эле долбоордун алкагында өз милдеттерин аткаруучу эки башка министрликке өткөрүлөт.
Башкы беттеги сүрөт иллюстративдик: nabu.kg.
