Улуттук энелик жана балалыкты коргоо борборунда Дүйнөлүк диабет менен күрөшүү күнүнө арналган иш-чара өттү. Бул күн жыл сайын эрте диагноз коюунун, профилактикалык чаралардын жана кант диабетин, өзгөчө балдарда, сапаттуу дарылоонун маанилүүлүгүн баса белгилейт.
Кыргыз Республикасынын Саламаттык сактоо министрлиги берген маалыматка ылайык, өлкөдө диабет менен жабыркаган балдардын санынын көбөйүшү байкалууда. 2024-жылы 1200дөн ашык кичинекей бейтаптар, анын ичинде беш жашка чейинки балдар, медициналык көзөмөлдө болушкан. Бул медициналык жардамды үзгүлтүксүз жакшыртуунун жана заманбап технологияларды киргизүүнүн зарылдыгын көрсөтөт.
Балдардын эндокринология кызматын өнүктүрүү алкагында, борбор диабетти көзөмөлдөөнүн заманбап ыкмаларын активдүү ишке ашырууда. «Базель» компаниясынын гуманитардык жардамдарынын жардамы менен эндокринология бөлүмү глюкозанын деңгээлин үзгүлтүксүз байкоо жүргүзүү үчүн эң жаңы системаларды алды. Бул кан тамырындагы канттын деңгээлин так көзөмөлдөөгө мүмкүндүк берет, бул болсо асқынуулардын алдын алууга жардам берет.
Борбордун жакынкы пландарынын катарында инсулин помпасы терапиясын кеңейтүү, бул балдар үчүн дарылоону ыңгайлуу, коопсуз жана натыйжалуу кылат.
Борбордун негизги милдети — кант диабети менен жабыркаган балдарды заманбап, сапаттуу жана убагында медициналык кызмат менен камсыз кылуу, ошондой эле ата-энелерди жана коомду бул ооруну эрте аныктоо жана туура дарылоо маанилүүлүгү тууралуу маалымдуулугун жогорулатуу.
