Саламаттык сактоо министрлигинин маалымат кызматына ылайык, Кыргызстанга Россиядан төрт адис келип жетти: балдар психиатры, клиникалык психолог, жүрүм-турум аналитиги жана дефектолог.
Бул миссиянын алкагында алар врачтар жана педагогдор үчүн окуу семинарларын өткөрүп, реабилитациялык борборлордо иштеп, талкууларга катышып, методикалык жана практикалык жардам көрсөтүшөт. Улуттук энелик жана балалыкты коргоо борборунун, балдарды реабилитациялоо жана үй-бүлөнү колдоо борборунун, мүмкүнчүлүгү чектелген адамдар үчүн «Аяр» реабилитациялык борборунун жана Ош шаарындагы балдарды жана үй-бүлөнү реабилитациялоо борборунун адистери бул программа боюнча окуудан өтүшөт.
Миссиянын аякташы 19-ноябрга белгиленген, ошол күнү Саламаттык сактоо жана медициналык технологиялардын өнүгүү борборунда жыйынтыктоочу тегерек стол өтөт.
