Институт тарабынан берилген маалыматка ылайык, эски склад имараты өрт коопсуздугу боюнча талаптарга жооп бербейт. Ички жайда потолоктор жана дубалдар жуккан, ал эми муздаткычта мөөнөтү өтүп кеткен 2 кгдан ашык сосиска табылган. Мындан тышкары, азыктар менен бирге сөрөлөрдө кемирүүчүлөргө каршы дары-дармектер орун алган.
Омбудсмен Жамиля Джаманбаева Саламаттык сактоо министрлигине жана оорулардын алдын алуу жана санитардык-эпидемиологиялык көзөмөл департаментине кат жазып, бул мыйзам бузуулар үчүн жооптуу адамдарга чара көрүүнү талап кылды.
Саламаттык сактоо министрлигинин маалыматына ылайык, жогоруда аталган мыйзам бузуулар боюнча борбордун орун басары административдик жазага тартылып, 5 миң сомго айып салынган, ал эми склад кызматкерине эскертүү берилген. Мындан тышкары, министрлик эски, 2022-жылы авариялык деп табылган склад имаратынын ордуна жаңы склад курууну пландаштырууда.
