Мониторинг жүргүзүү учурунда борбордун эски имараты заманбап өрт коопсуздугу нормаларына жооп бербегендиги белгилүү болду. Бөлмөлөрдө нымдуулук белгилери байкалууда, бул потолоктордо жана дубалдарда көк жугушунун пайда болушуна алып келет. Тамак-ашты сактоо шарттары да кооптонууну жаратат, анткени алар бузулуп, пайдаланууга жараксыз болуп калышы мүмкүн.
Муздаткычта 2 килограммдан ашык мөөнөтү өтүп кеткен сосиска табылды, ошондой эле тамак-аштын жанында кемирүүчүлөр үчүн уулуу заттар табылды. Тамактын жанындагы уулуу заттардын болушу ден соолукка олуттуу коркунуч туудурат жана санитардык-эпидемиологиялык нормаларга каршы келет.
«Жалпы саламаттыкты сактоо жөнүндө» мыйзамга (57-берене, 1-пункт) ылайык, тамак-ашты өндүрүү жана сактоо техникалык регламенттерге жооп берүүгө жана адамдын ден соолугуна зыян келтирбеши керек.
Мониторинг жүргүзүлгөндөн кийин, Жамиля Джаманбаева Саламаттыкты сактоо министрлигине жана оорулардын алдын алуу департаментине күнөөлүүлөргө чара көрүүнү өтүнүп кат жиберди. Натыйжада, Саламаттыкты сактоо министрлигинин маалыматы боюнча, борбордун орун басар директору 5 миң сомго айыпка жыгылды, ал эми складдын кызматкерине эскертүү берилди.
Саламаттыкты сактоо министрлиги текшерүү учурунда аныкталган бардык бузулуулар жоюлгандыгын билдирди. Ведомствонун пландарында эски имарат 2022-жылы авариялык деп табылгандыктан, жаңы склад имаратынын курулушу бар. Учурда каржылоо маселеси чечилүү стадиясында турат.
