Бул бейтаптардын көпчүлүгү зарыл дарылоону албайт жана өздөрүндө бул оору бар экенин да билбейт.
Натыйжада, кээ бирлеринде диабеттик ретинопатия жана бөйрөктөрдүн жабыркашы сыяктуу оор кесепеттер пайда болот, бул гемодиализди талап кылат. Ошондой эле ампутацияларга алып келүүчү тамыр маселелери байкалууда. Мындай кесепеттерди гемодиализ аркылуу дарылоого мамлекеттик чыгымдар жылына 2 миллиард сомдон ашат.
Темага байланыштуу окуңуз Көптөгөн кыргызстандыктар кант диабетинен жабыркаганын билбейт. Ооруну кантип аныктоо керек
Ден сооолукту сактоо министрлиги ошондой эле, таттуу ичимдиктердин баасынын көтөрүлүшү жана суроо-талаптын төмөндөшү боюнча кооптонууларга карабастан, тынчсызданууга негиз жок экенин белгиледи. Эгер таттуу газдалган суусундуктардын керектөөсү азайса, адамдар суу, сок жана морс сыяктуу ден соолукка пайдалуу альтернативаларды тандайт.
Диабет маселесин өкмөт башчынын орун басары Эдиль Байсалов көтөрүп, «Диабет күндөн-күнгө жайылып жатат жана жашарып жатат. Биз дарылоого жана майыптыкка миллиарддаган сомдорду жумшайбыз, ошондуктан Кыргызстанда кант камтыган ичимдиктердин баасы көтөрүлүшү керек» деди.
