Берилген маалыматка ылайык, эркектер 63 жашында пенсияга чыгууга укуктуу, ал эми аялдар 58 жашынан баштап чыга алышат. Пенсияга чыгуу үчүн минималдуу жумуш стажы 5 жылды түзөт.
Белгилүү бир категориядагы жарандар белгиленген мөөнөттөн мурда пенсия алууга укуктуу. Аларга төмөнкүлөр кирет:
- Жогорку тоолуу аймактарда же ден соолукка коркунуч туудурган жана оор жумуш шарттарында иштеген кызматкерлер. Бул топтогу аялдар 48 жашында, эркектер 53 жашында пенсияга чыга алышат;
- 5 баладан кем эмес бала тарбиялаган көп балалуу энелер жана 15 жылдан кем эмес стажы барлар 53 жашында пенсияга чыга алышат;
- Ден соолугунда чектөөлөрү бар балдардын энелери.
Мындан тышкары, Нурзат Жакиева жумуш стажы жок жарандар пенсия албай турганын, бирок Эмгек министрлигинен жөлөк пул алууга укуктуу экенин белгиледи. Аялдар 60 жашынан, эркектер 65 жашынан баштап мындай жөлөк пулдарды ала алышат.
