Анын айтымында, көптөгөн бейтаптар, препараттарды бир нече жума колдонгондон кийин, дарылоону токтотуу жөнүндө ойлонушат, анткени аларга жакшы болуп калгандай сезилет. "Бирок, препараттарды кескин токтотуу токтотуу синдромуна алып келиши мүмкүн", - деп белгиледи адис.
Препараттарды токтоткон биринчи күндөрдө бейтаптар өздөрүн нормалдуу сезиши мүмкүн, бирок андан кийин организмдеги активдүү заттардын деңгээли төмөндөп, абалдын начарлашын жаратат: уйку бузулат, тынчсыздануу пайда болот жана аппетит төмөндөйт. "Кээде симптомдор дагы күчөшү мүмкүн", - деп эскертти Улитина.
Ал серотониндин керектүү деңгээлин калыбына келтирүү үчүн мурдагы препараттарга ошол эле дозада кайра кайтууну сунуштады. "Бейтаптар дарылоону өз алдынча токтотпошу маанилүү. Биз ар дайым акыркы таблеткалар калганда жаңы рецепт алуу үчүн келүүнү сунуштайбыз, анткени биздин дары-дармектер тек гана рецепт боюнча берилип жатат", - деп баса белгиледи врач.
Саламаттык сактоо министри Эркин Чечейбаевдин маалыматы боюнча, Кыргызстандагы калктын 11% психикалык оорулардан жабыркайт. Юлия Улитина ошондой эле мындай бейтаптардын саны көбөйүп жатканын белгиледи. Узак убакыттан бери биринчи жолу өлкөдө Психикалык ден соолук боюнча Улуттук стратегия иштелип жатат.
Башкы беттеги иллюстрация: ajmc.com.
