Анын сөзүнө караганда, өлкөдө болгону 40тан ашык дарыкана наркотикалык анальгетиктерди жана психотроптук препараттарды берүү укугуна ээ. "Мындай дарыканалардын саны өтө чектелүү. Ооруну басаңдатуучу каражатка муктаж адамдар керектүү дары-дармектерди алуу үчүн чоң аралыкты басып өтүүгө мажбур болушат. Ошондой эле, пациенттер арасында жана врачтар арасында морфинофобия деп аталган проблема бар, бул маалыматтын жетишсиздиги жана адистердин бул тармактагы билим деңгээлинин төмөндүгү менен түшүндүрүлөт", - деп кошумчалады Тургуналиева.
Дары-дармектерге жетүү мисалында ал Сокулуктагы кыздын тарыхын айтып берди, анын энеси жаман оорулардан азап чеккен. Ар бир эки күн сайын Бишкекке наркотикалык анальгетиктерди алуу үчүн барууга туура келген, анткени Сокулуктун дарыканаларында мындай препараттар болгон эмес. Ошондой эле, аны медициналык мекемеге жаткыруу мүмкүнчүлүгү болгон эмес.
Тургуналиева учурда паллиативдик жардамды жакшыртуу боюнча долбоор иштелип жатканын, эгер кабыл алынса, бул тармактагы көптөгөн көйгөйлөрдү чечүүгө жардам берерин белгиледи.
Башкы беттеги сүрөт иллюстративдик: scmp.com.
