Аялдын жашаган жеринен контрабандалык күчтүү дары-дармектердин ири партиясы табылды
Бишкекте психотроптук жана күчтүү дары-дармектерди сатуу боюнча бир дарыкананын фармацевти кармалды.
КР Ички иштер министрлигинин СБНОН пресс-кызматынын маалыматына ылайык, «Мир жана Нур» дарыканалар тармагында иштеген К.З.Н. 1979-жылы туулган, узак убакыт бою Бишкекте психотроптук жана күчтүү дары-дармектерди контрабандалык жол менен сатуу менен алектенген.
«СБНОН кызматкерлери тыюу салынган заттарды сатып алуу боюнча контролдук сатып алуу жүргүзүштү. 8-октябрда белгиленген купюраларды колдонуу менен психотроптук каражаттарды ири көлөмдө сатып алуу боюнча кайрадан операция учурунда К.З.Н. аттуу жаран кармалды», - деп айтылат билдирүүдө. «Текшерүү учурунда төмөнкүлөр алынган: психотроптук зат «Л»; күчтүү заттарга тиешелүү «Т» препаратынын флаконлору; ошондой эле контрабандалык келип чыккан мыйзамсыз дары-дармектер».
Дары-дармектер жана медициналык буюмдар департаментинин чечими менен К.З.Н. административдик айып пул салынды. Сот тарабынан ага эки ай СИЗО-1де отуруу белгиленди.
