Дарыканадан лицензиясыз сатылган дары-дармектер табылды
Ош шаарында Кыргыз Республикасынын Мамлекеттик салык кызматынын кызматкерлери мамлекеттик каттоодон өтпөгөн жана сапаты менен келип чыгышын тастыктаган документтери жок дары-дармектердин партиясын аныкташты.
Дары-дармектерди С.М.М. аттуу жаран дарыканалардын бирине жеткирүү учурунда мамлекеттик реестрге катталбаган дары-дармектердин партиясы табылган. Бул дары-дармектер дарыканалардын тармактары аркылуу мыйзамсыз пайда табуу максатында сатылмакчы болгон деп болжолдонууда.
Бул мыйзамсыз партияны алган дарыкананын текшерүүсү келип чыгышын жана сапатын тастыктаган документтери жок дары-дармектердин бар экенин аныктады. Ошондой эле, бул дарыкана Кыргыз Республикасынын Саламаттыкты сактоо министрлигинин лицензиясы жана уруксат берүүчү документтери жок иштеп жаткандыгы белгилүү болду.
Аныкталган фактылар боюнча материалдар даярдалып, юридикалык баа берүү жана тиешелүү чараларды көрүү үчүн укук коргоо органдарына жөнөтүлдү.
