Базарбаев бардык процедуралар мыйзамга ылайык жүргүзүлгөнүн айтты. "Алгач жергиликтүү тургундардын пикирин эске алуу маанилүү болду. Шаардын жети МТУсында жыйындар өткөрүлүп, адамдар бул демилгени колдоп чыгышты. Андан кийин Манас шаардык кеңеши маселени мэрдин кароосуна чыгарды, андан соң ал межведомстволук комиссияга өткөрүлүп, ал аны талкуулап, өкмөткө жөнөттү. Өкмөт, өз кезегинде, аны Жогорку Кеңешке киргизди", - деди ал.
Ал бардык зарыл мыйзамдуу процедуралар сакталганын кошумчалады. "Референдум боюнча, аны эч кандай мыйзам талап кылбайт. Бул жөн гана айрым жарандардын пикири", - деп белгиледи чиновник.
Базарбаевдин айтымында, Манастын руху адамдарды бириктирүүгө жана оптимизмди алып келүүгө жардам берет. "Мен Манас шаарындагы шаардык актив менен жолугушууда болдум жана адамдардын кандайча шыктанып, позитивдүү маанайда экенин байкадым. Джалал-Абадды Манас деп кайра аталышы, албетте, пайда алып келет", - деп баса белгиледи ал.
Манаска республикалык маанидеги статус берүү маселеси боюнча Базарбаев айрымдардын мыйзамды туура эмес түшүнүп жатканын белгиледи. "Анда 250 миңден кем эмес калк болушу керек деп жазылган. Бирок өзгөчө учурларда, калкы аз шаарлар бул категорияга киргизилиши мүмкүн, эгер алар маданий, экономикалык жана административдик борбор болсо жана өсүү мүмкүнчүлүгү болсо. Бул мыйзамдын пункту шаар тургундарынын сунуштарын өкмөт деңгелинде жана Жогорку Кеңеш деңгелинде караууга мүмкүнчүлүк берет", - деп кошумчалады ал.
Башкы беттеги сүрөт: "Биринчи радио".
