Учурда 11 бала жана эки чоң киши ооруканада жатат. Алардын абалы салыштырмалуу туруктуу деп бааланууда.
Мурда маалымдалгандай, 31-октябрда Бишкектеги жеке мектептердин биринде массалык уулануу окуясы болгон, анын натыйжасында 58 адам инфекциялык ооруканасына кайрылган. Алардын 54ү балдар, 4ү чоңдор. Бардыгы мектептин ашканасында сунушталган шаурманы жешкен. Медициналык баалоодон кийин 7 бала жана 2 чоң киши ооруканага жаткырылган, калган 49у амбулатордук дарыланууга алынган.
Массалык ууланууга байланыштуу санитардык-эпидемиологиялык иликтөө жүргүзүлүүдө. Текшерүүнүн жыйынтыгы боюнча мектептин жетекчисине протоколдор түзүлүп, жалпы суммасы 36 миң сомго айып пулдар салынган.
