Саламаттыкты сактоо министрлигинин маалымат кызматына ылайык, Кыргызстанга Россиядан төрт адис келиптир — балдар психиатры, клиникалык психолог, поведенческий аналитик жана дефектолог.
Миссиянын алкагында алар дарыгерлер жана мугалимдер үчүн тренингдер өткөрүп, реабилитациялык борборлордун ишине катышып, тегерек столдорду уюштуруп, методикалык жана практикалык жардам көрсөтүшөт. Окуу Улуттук энелер жана балдарды коргоо борборунун, балдарды реабилитациялоо жана үй-бүлөнү колдоо борборунун, «Аяр» реабилитациялык борборунун жана Ош шаарындагы балдарды жана үй-бүлөлөрдү реабилитациялоо борборунун адистери үчүн өтүүдө.
Миссия 19-ноябрда Саламаттыкты сактоо министрлигинин Саламаттыкты өнүктүрүү жана медициналык технологиялар борборунда жыйынтыктоочу тегерек стол менен аякталат.
2021-жылы негизделгенден бери «Жакшылык Миссиясы» эл аралык гуманитардык кызматташтыкты жана профессионалдык тажрыйба алмашууну активдүү өнүктүрүп келет. Иш жүргүзгөн жылдары программанын волонтерлору 20дан ашык өлкөдөгү 10 миңден ашык адиске жана үй-бүлөлөргө жардам көрсөтүштү.
Бул «Жакшылык Миссиясынын» Кыргызстанга болгон жетиинчи визити. 2025-жылдын августунда программанын волонтерлору Бишкектеги медициналык мекемелерде, анын ичинде операцияларды жүргүзүү менен иштешкен.
