Депутат Табылды Муратбеков түштүк магистралдын аймагында көп кабаттуу үйлөр активдүү курулуп жатканын, бирок социалдык объектилердин жоктугун белгиледи. Ал курулуш министрлиги бул маселени чечүү үчүн кандай чараларды көрүүнү пландап жатканын жана билим берүү мекемелерин куруу каралганбы деп сурады.
Бул боюнча орун басар министр анын мекемеси Бишкек мэриясы менен биргеликте бул маселени чечүү боюнча иш алып барып жатканын белгиледи. Ал ошондой эле жакында парламент Бишкектин түштүк магистралында жайгашкан билим берүү мекемелерин кошо алганда, 20 жаңы мектеп куруу боюнча келишимди бекиткенин эске салды.
Мындан тышкары, ал учурдагы нормаларга ылайык, бала бакчалар турак жай имараттарынын биринчи кабаттарында жайгашышы керектигин кошумчалады.
«Мектеп жана бала бакча жок болсо, жаңы объектилер уруксат ала албайт», - деп баса белгиледи орун басар министр.
