Курулуш министрлигинин маалымат кызматы билдиргендей, 25-февралда министр Нурдан Орунтаев Жалал-Абад облусунда аталган тапшырманы ишке ашыруу үчүн жумушчу сапар менен болду.
Сапар учурунда министр президенттин Жалал-Абад облусундагы ыйгарым укуктуу өкүлү Тилек Текебаев, Манас шаарынын мэри Абдупат Маткаликов жана башка тиешелүү департаменттердин жана подряддык уюмдардын өкүлдөрү менен социалдык объектилерди куруу боюнча долбоорлор менен таанышып, тиешелүү жыйын өткөрдү.
Манаста төмөнкү билим берүү мекемелеринин курулушу пландалууда:
- 375 орундук мектеп: Ак-Тилек микрорайону, Достук көчөсү 25/2 (Көк-Арткы муниципалдык аймактык башкаруу);
- 650 орундук мектеп: Г.Мамбеталиев көчөсү (Курманбек муниципалдык аймактык башкаруу);
- 275 орундук мектеп: Чолок-Терек айылында, А.Керимбекова көчөсү 167 (Т.Тайгараев атындагы муниципалдык аймактык башкаруу);
- 650 орундук кошумча корпус: Спутник микрорайонунда, Р.Азизова көчөсү 13;
- 275 орундук кошумча корпус: Б.Осмонов атындагы №5 орто мектепте, Л.Фурманова көчөсү 5;
- 275 орундук кошумча корпус: Ж.Болотов атындагы №21 орто мектепте, Достук микрорайонунда.
Министр долбоордук-сметалык документация менен таанышып, долбоорлоо жана подряддык уюмдарга курулуш иштеринин жогорку сапатын жана убагында аткарылышын камсыздоону тапшырды.
