Маалыматка ылайык, төмөнкү билим берүү мекемелери курулат:
- 375 орундук мектеп: «Ак-Тилек» микрорайону, Достук көчөсү, 25/2 (Кок-Арт муниципалдык аймактык башкармасы);
- 650 орундук билим берүү мекемеси: Г. Мамбеталиева көчөсү (Курманбек муниципалдык аймактык башкармасы);
- 275 орундук мектеп: Чолок-Терек айылында, А. Керимбекова көчөсү, 167 (Т. Тайгараев атындагы муниципалдык аймактык башкармасы);
- 650 орундук кошумча корпус: «Спутник» микрорайонунда, Р. Азизова көчөсү, 13;
- 275 орундук кошумча корпус: Б. Осмонов атындагы № 5 орто мектеп (Л. Фурманова көчөсү, 5);
- 275 орундук кошумча корпус: Ж. Болотов атындагы № 21 орто мектеп, «Достук» микрорайонунда.
Курулуш министри Нурдан Орунтаев долбоордук документация менен таанышып, жооптуу адамдарга жана подрядчиктерге курулуш иштерин сапаттуу жана убагында жүргүзүүнү тапшырды.
Учурда Бишкек, Ош жана Манас шаарларында окуучулардын саны мектептердин долбоордук кубаттуулугунан кыйла ашып кеткенин белгилеп өтүү маанилүү.
Бул жагдайга байланыштуу үч шаарда республикалык бюджеттин эсебинен 36 жаңы билим берүү мекемесин этап-этабы менен куруу иштери жүргүзүлүүдө: алардын 20 Бишкекте, 10 Ошто жана 6 Манаста болот.
