Депутат жалпы 22 миллион евро бөлүнгөнүн, анын 3 миллиону гранттык каражаттар, 11 миллиону Европалык реконструкция жана өнүктүрүү банкы тарабынан берилген, калган 8 миллиону болсо башка донордон келгенин белгиледи.
Азыгалиев ошондой эле учурда бул долбоор боюнча тергөө иштери жүрүп жатканын айтып, канча каражаттын пайдаланылбай калганын сурады.
Бишкектин мэри Айбек Джунушалиев тергөө улантылып жатканын тастыктады. Анын айтымында, учурда бул долбоор боюнча 6,8 миллион евро калган, жана мэрия бул каражаттарды шаарды башка муктаждыктарга жумшоону пландап жатат.
Мэрдин маалыматы боюнча, Бишкек коомдук транспорт, тыгындар жана жол кедергилери менен байланышкан көйгөйлөргө дуушар болуп жатат, ошондуктан калган каражаттарды ушул маселелерди чечүүгө пайдалануу сунушталууда. Ошол эле учурда, эгер таштанды маселесине кайрадан каражат бөлүү сунушу келип чыкса, шаар мындай сунуштардан баш тартарын баса белгиледи.
Депутат Азыгалиев ошондой эле мүмкүн болгон айыппулдар жана кредиттик милдеттенмелер боюнча суроо көтөрдү.
Мэр Бишкек бул долбоор боюнча кредитти 2028-жылга чейин төлөп жатканын, жыл сайын төлөмдөр 142 миллион сомду түзүп, анын 118 миллиону сорттоо ишканасына, 24 миллиону болсо «Тазалыкка» кетип жатканын билдирди. Ал шаар күтүлгөн натыйжага жетпегенин, бирок милдеттенмелердин аткарылып жатканын белгиледи.
Джунушалиев ошондой эле 22 миллион евро тууралуу суроо 2022-жылы президенттин таштанды полигонуна болгон сапарында көтөрүлгөнүн эске салды. Мыйзамды коргоо органдарына бул каражаттарды пайдалануу боюнча тергөө жүргүзүү тапшырылган.
Анын айтымында, бөлүнгөн 16 миллион евронун болгону 900 миң евро баасындагы бир кичинекей имаратка жумшалган, учурда 6 миллион 280 миң евро калган. Бирок мэрия бул каражаттарды кандай максатта жумшарын билбегендиктен пайдаланган эмес.
Бишкектеги таштанды кайра иштетүү заводун каржылоо маселеси депутат тарабынан жыйында көтөрүлдү
