Бишкекте табигый ресурстар, экология жана техникалык көзөмөл министри Медер Машиевдин жетекчилиги астында геология тармагын санариптештирүү жана «Недра» маалымат системасын тестирлөөгө даярдоо боюнча жыйын өттү.
Ведомствонун билдирүүсүнө ылайык, бул санариптештирүүнүн алкагында Кыргыз геология кызматы тарабынан «Недра» геологиялык маалымат системасы иштелип чыгууда. Иш процессинде анын функционалдуулугуна жана талаа сыноолоруна даярдыгына көңүл бурулат.
Системанын геология кызматына интеграциясы жана минералдык ресурстарды пайдалануу тармагында эффективдүү колдонулушу маанилүү аспект болуп саналат.
«Азыркы учурда «Недра» системасы тесттик режимде иштеп жатат, жана анын киргизилиши геологиялык маалыматтарды эсепке алууну кыйла жакшыртууга, процесстердин ачыктыгын жогорулатууга жана ушул тармактагы мамлекеттик кызматтардын сапатын арттырууга мүмкүндүк берет», - деп билдиришти министрликтен.
Системанын иштелип чыгышы ААК «Түндүк» тарабынан жүргүзүлүүдө. Системанын негизги артыкчылыктарынын бири жеке жана юридикалык жактарга геологиялык кызматтарды алуу жана онлайн форматта арыз берүү мүмкүнчүлүгүн камсыз кылуу болуп саналат.
