Бишкек мэриясы курулуш компанияларына шаарды жакшыртуу боюнча жаңы талаптар киргизилгени тууралуу билдирет. 2024-жылдын 29-августундагы Бишкек шаардык кеңешинин № 150 токтомуна ылайык, бардык курулуш объектилери ушул жерлерден чыгып жаткан автотранспорт каражаттары үчүн дөңгөлөктөрдү жууучу пункттар менен камсыздалууга тийиш. Бул талап шаарды жакшыртуу эрежелеринин 172-пунктунда жазылган.
Бул нормаларды сактоо өтө маанилүү, анткени сакталбаганда, жолдордун топурак жана кир менен булганышына алып келиши мүмкүн, бул жол кыймылынын коопсуздугуна жана шаардык инфраструктуранын абалына терс таасир этет.
Бул талаптардын аткарылышын көзөмөлдөө үчүн мэриянын муниципалдык инспекциясы тарабынан туруктуу мониторинг жүргүзүлөт. Эгерде бузуу аныкталса, жооптуу адамдарга тиешелүү чаралар көрүлөт.
Курулуш компаниялары төмөнкүлөрдү камсыз кылууга тийиш:
Бардык курулуш аянтчаларынан чыгып жаткан транспорт каражаттары үчүн дөңгөлөктөрдү жууучу пункттарды орнотуу жана туруктуу эксплуатациялоо.
Курулуш аянтчасынан кирди жана топуракты чыгарууга жол бербөө.
Объекттин тегерегиндеги 15 метр радиустагы аймакты убагында тазалоо.
Белгиленген нормаларды сактабаганда, бузгандарга Кыргыз Республикасынын күчүндө болгон мыйзамдарына ылайык чаралар көрүлөт.
