Бишкекте өткөрүлгөн рейддин натыйжасында, экологиялык нормалардан 50% дан ашык булган эки унаа табылган. Бул тууралуу Экология министрлиги маалымдады.
Бул транспорт каражаттарынын айдоочуларына карата протоколдор түзүлгөн. Жалпы айыппул 15,000 сомду түздү.
Ведомствонун маалыматына ылайык, текшерүү Бишкектин экология башкармалыгынын инспекторлору тарабынан патрулдук милиция кызматкерлери менен биргеликте уюштурулган. Бул иш-чаралардын негизги максаты шаардагы абанын сапатын жакшыртуу, булгануунун деңгээлин төмөндөтүү жана унаа ээлеринин экологиялык жоопкерчилигин жогорулатуу болуп саналат.
