Нарын облусунда 9 айдын ичинде жалпы өнөр жай продукциясынын баасы 10 миллиард 701 миллион сомду түздү. Бул маалымат белгиленген мезгилдеги жыйынтыктар талкууланган коллегиянын жыйынында белгилүү болду.
Маалыматка ылайык, бул көрсөткүч өткөн жылдын ушул мезгилине салыштырмалуу 6 миллиард 735 миллион сомго көбөйгөн.
Өсүүнүн негизги факторлору электр энергиясын өндүрүү, көмүр жана алтын казуу болуп саналат. Өнөр жай өндүрүшүнүн структурасы төмөнкүдөй: кен казуу тармагы 25%, кайра иштетүү 63%, электр энергиясы 10%, ал эми суу менен камсыздоо жана калдыктарды иштетүү 0,7% түзөт.
Агроөнөр жай секторунда ошол эле мезгилде 23 миллиард 834 миллион сомдук продукция өндүрүлгөн, ал эми эт, сүт жана жүн өндүрүшүнүн көлөмү пландалган 100% дан кем эмес деңгээлге жеткен.
Агроөнөр жай өндүрүүчүлөрдү колдоо үчүн мамлекет тарабынан 708 кардарга 475 миллион 463 миң сом кредит түрүндө берилген. ```
