Бул жылы 10 айдын ичинде ИДПнын өсүү темпи 10 пайызды түздү, бул мурдагы айларга салыштырганда кичине жогорулагандыгын көрсөтүүдө.
Нацстаткомдун маалыматына ылайык, ИДПнын эң чоң үлүшү кызмат көрсөтүү секторуна таандык — 49,6 пайыз, ал эми товар өндүрүшү 35,4 пайызды, таза салыктык кирешелер болсо 15 пайызды түзөт.
Өнөр жайдын өсүшүнө салым кошкон негизги секторлордун арасында фармацевтикалык товарлардын өндүрүшүнүн 1,9 эсе көбөйүшү, резинотехникалык жана пластик буюмдардын, ошондой эле курулуш материалдарынын өндүрүшүнүн 34,5 пайызга жогорулашы белгиленди. Ошондой эле, жыгач жана кагаз буюмдардын, ошондой эле полиграфия продукциясынын өндүрүшү өткөн жылга салыштырганда 33,7 пайызга өстү.
2025-жылдын январь айынан ноябрь айына чейин керектөө баалары жана тарифтер 2024-жылдын декабрына салыштырганда 8,3 пайызга өстү. Ошол эле учурда тамак-аш продуктулары жана алкогольсуз ичимдиктердин баасы 8,9 пайызга, алкоголь ичимдиктери жана тамеки буюмдары 7,9 пайызга, ал эми тамак-аш эмес товарлардын баасы 7 пайызга жогорулады. Калк үчүн кызмат көрсөтүү тарифтери 9,1 пайызга көтөрүлдү.
