Анын маалыматы боюнча, 2025-жылдын январь айынан ноябрь айына чейин өнөр жай продукциясынын көлөмү 686 миллиард сомго жетип, өткөн жылдын ушул мезгилине салыштырганда 10%га көбөйгөн.
«2024-жылдын январь-ноябрь айларында өнөр жай өндүрүшүнүн көлөмүнүн жогорулашы фармацевтика, резинотехникалык жана пластикалык буюмдарды өндүрүү, курулуш материалдары, ошондой эле жыгач жана кагаз продукциясы, полиграфия, тамак-аш жана тамеки өнөр жайы, химиялык тармак, текстиль өндүрүшү жана пайдалы казындыларды казып алуу сыяктуу тармактардагы өсүштүн натыйжасында мүмкүн болду», - деп белгиледи Керималиева.
Мындан тышкары, айыл чарба, орман чарба жана балык уулоо тармагында көрсөтүлгөн мезгилде жалпы продукциянын көлөмү 437 миллиард сомду түзүп, өткөн жылга салыштырганда 2%га көбөйдү, бул мал чарбасындагы өсүштүн натыйжасында болду.
Курулуштагы жалпы продукциянын көлөмү болжол менен 319 миллиард сомго жетип, 29%га өстү.
«2024-жылдын январь-ноябрь айларына салыштырганда курулуштагы жалпы продукциянын жогорулашы негизги капиталга инвестицияларды көбөйтүү жана капиталдык жана учурдагы оңдоп-түзөө иштерин жүргүзүү менен байланыштуу», - деп кошумчалады Керималиева.
