Баалардын эң көп жогорулашы кызмат көрсөтүүлөр тармагында байкалууда, ал жерде 8,9 пайызга көтөрүлгөн. Тамак-аш жана алкогольсиз ичимдиктер 7,4 пайызга, алкоголь жана тамеки 6,7 пайызга, ал эми азык-түлүк эмес товарлар 5,6 пайызга кымбаттады.
Инфляция өлкөнүн бардык региондорун камтыды.
Эң жогорку инфляция деңгээли Ош шаарында катталды, ал жерде 9 пайызды түздү. Нацстаткомдун өкүлдөрү бул алкоголь продукциялары жана тамеки буюмдарынын баасынын 12,1 пайызга жогорулашы менен байланыштуу экенин белгилешти.
Чүй облусунда тамак-аш жана алкогольсиз ичимдиктердин баасы 10,5 пайызга жогорулады, ал эми Баткен облусунда азык-түлүк эмес товарлар 8,1 пайызга кымбаттады.
Республика боюнча кызмат көрсөтүүлөрдүн баасы 10,4 пайызга өстү.
Нацстатком баа динамикасы ички жана тышкы факторлордун таасири менен калыпталарын баса белгилейт.
