Өткөн жума менен салыштырганда, оорулуулуктун деңгээли 1,9 пайызга төмөндөгөн.
Ооругандардын арасында 14 жашка чейинки балдар 64 пайызды түзөт. Ооруканага 6,7 пайыз ооругандар түшкөн.
Оорулуулук орточо деңгээлден жогору Бишкек жана Ош шаарларында, ошондой эле Нарын, Чүй жана Ысык-Көл облустарында байкалууда.
Бишкек, Ош жана Токмокто оор курч респиратордук инфекциялар жана гриппке окшош оорулар боюнча эпиднадзор уланууда.
Темага байланыштуу Кышты оорусуз өткөрүү: Үй-бүлөлүк медицина борборунун терапевтинин кеңештери
Бул эпидсезондун башынан бери грипп вирусунун учурлары аныкталган жок.
Учурда курч респиратордук вирустук инфекциялардын айлануусу байкалууда, алардын арасында аденовирус, риновирус жана парагрипптер басымдуулук кылууда.
Мындан тышкары, COVID-19 боюнча абалдын мониторинги уланууда, өткөн жумада жаңы оорулуулук учурлары катталган жок.
