Акимияттан алынган маалыматка ылайык, бул жолдун бөлүгү Кенеш айыл аймагында жайгашып, бир нече айылдарды район жана Базар-Коргон шаары менен байланыштырууда.
Иш-чарада транспорт министрлигинин «Кыргызавтожол-Юг» мамлекеттик ишканасынын өкүлдөрү, Базар-Коргон районунун жергиликтүү администрациясы, ошондой эле тургундар жана жергиликтүү өз алдынча башкаруу органдары катышты.
Шайдан—Абдураимов автожолунун жалпы узундугу 6 километрди түзөт. Бул эки километрлик IV категориядагы бөлүк өткөн жылы оңдолууга «титулдук тизмеге» киргизилип, андан кийин жөө адамдар үчүн тротуарлар менен жаңыланып, толукталган. Жумуштар райондук жолдорду пайдалануу ишканасы №50 тарабынан 16 млн 950 миң сомго аткарылган.
Жолдун калган бөлүгүн да ушул жылы оңдоо пландалууда. Мындан тышкары, 2025-жылы Базар-Коргон районунда 32 километр автомобиль жолдорунун асфальтталышы аякталат.
