Анын айтымында, декабрь айынын аягында орус мунайды кайра иштетүү заводдору салт боюнча күйүүчү майга сезондук арзандатуу сунушташат.
«Быйыл оптовдук баалар декабрь айынын аягында бир аз төмөндөдү. Натыйжада, айрым компаниялар келишимдер түзүп, белгилүү көлөмдө күйүүчү май сатып алышты. Бул партиялар Кыргызстанга келип, айрым автозаправка станцияларында баалар 1 сомго, айрым учурларда андан да көп төмөндөп кетти», — деди Эшатов.
Ал ошондой эле жакынкы күндөрдө жаңы баалар белгиленерин жана өлкөдөгү күйүүчү майдын баасынын келечектеги кыймылын болжолдоо кыйын экенин кошумчалады.
«Россиядагы мунай заводдору өз ишин кайра баштады. Алар сунуштаган оптовдук бааларга карап, күйүүчү майдын баасы кандай калыптанарын түшүнүүгө болот. Бул негизде Кыргызстанда бөлшек баалар белгиленет», — деп түшүндүрдү ассоциация өкүлү.
