26-январда Кыргыз Республикасынын Мамлекеттик өнүктүрүү банкы «Куланак» гидроэлектр станциясынын курулушун каржылоого келишимге кол койду.
Банк тарабынан берилген маалыматка ылайык, ГЭС Нарын дарыясындагы Куланак айылында жайгашат. Станциянын орнотулган кубаттуулугу 100 МВт, ал эми жылдык электр энергиясын өндүрүү болжол менен 435 миллион кВт/саат болот. Бул өлкөнүн энергетикалык жетишсиздигин 11% га азайтууга мүмкүндүк берет.
Бул долбоор бир катар артыкчылыктарды алып келет:
Кыргызстандын регионалдык электр энергиясы рыногундагы позицияларын бекемдөө;
Энергетикалык сектордун жана өлкөнүн экономикасынын отун бааларынын өзгөрүүлөрүнө көз каранды болушун азайтуу;
Жергиликтүү жана республикалык бюджеттердин кирешелеринин өсүшү;
Региондо 100гө чейин жаңы жумуш орундарын түзүү;
Куланак өрөөнүндөгү сугат жерлеринин аянтын кеңейтүү.
