Бишкекте 30-январда Кыргызстандын экономика жана соода министри Бакыт Сыдыков менен Япониянын Эл аралык кызматташтык агенттигинин (JICA) вице-президенти Ёсифуми Ёсикаванын ортосунда жолугушуу өттү. Ведомстводон берилген маалыматка ылайык, жолугушууда Кыргызстандын өкмөтү менен JICAнын ортосундагы көп жылдык жана ийгиликтүү кызматташтык боюнча ар түрдүү биргелешкен инициативалар талкууланды.
Бакыт Сыдыков Кыргыз Республикасынын өкмөтүнүн туруктуу экономикалык өсүүнү жана өлкөнүн ар тараптуу өнүгүүсүн камсыз кылууга байланыштуу максаттарын сунуштап, 2030-жылга чейин Кыргыз Республикасын өнүктүрүүнүн орто мөөнөттүү Улуттук стратегиясына ылайык негизги артыкчылыктарды белгиледи.
Талкууланган темалардын арасында «Бир айыл - бир продукт» долбоору да болду, ал эффективдүү өз ара аракеттенүүнүн жаркын мисалына айланды, ошондой эле адам капиталынын өнүгүүсүнө багытталган JDS программасы.
Жолугушуунун жыйынтыгында тараптар учурдагы долбоорлорду жакшыртууга жана кызматташтыктын башка багыттарын кеңейтүүгө көңүл буруп, биргелешкен ишти улантууга ниеттеништи.
