Курулуш министринин орун басары Талант Иманакун уулу Жогорку Кенештин өнөр жай саясаты, транспорт жана курулуш боюнча комитетинин жыйынында 2024–2025-жылдардагы министрликтин иши тууралуу отчетун сунуштады.
Ал 2025-жылы республикалык бюджеттен социалдык объектилерди курууга 15,5 миллиард сом бөлүнгөнүн, бул 291 жаңы объекттин курулушун жүргүзүүгө мүмкүнчүлүк бергенин белгиледи. 2024-жылы каржылоо 11,6 миллиард сомду түзгөн.
«Учурда өлкөдө 668 объекттин курулушу уланууда. Анын ичинде Чүй облусунда — 34, Бишкекте — 13, Ысык-Көл облусунда — 39, Нарын облусунда — 21, Талас облусунда — 9, Жалал-Абад облусунда — 80, Ош облусунда — 63, Ош шаарында — 10 жана Баткен облусунда — 21», — деди ал.
Мындан тышкары, орун басар министр 2025-жылы 129 мектеп жана 60 бала бакча курулушу аяктаганын баса белгиледи. Архитектура департаменти Сузак, Нарын жана Токмок шаарларын камтыган 142 жалпы пландарды иштеп чыккан.
«2025-жылы Мамлекеттик экспертиза департаменти 2401 долбоордук документти карап чыгып, анын ичинен 2005и оң жыйынтыктарды алган. Курулуш департаменти контролдун реестрине 3806 объектти киргизди, текшерүүлөрдүн жыйынтыгы боюнча 2488 протокол түзүлдү, ал эми салынган айыппулдардын суммасы 140 миллион сомду түздү», — деп кошумчалады Иманакун уулу.
