Шаардык администрациянын маалыматы боюнча, бул долбоор негизги магистральдардагы транспорттук тыгындарды азайтууга жана автоунаа айдоочулары үчүн шарттарды жакшыртууга багытталган.
Курулуш иштерин Транспорт жана байланыш министрлигине караштуу «Кыргызавтожол-Юг» мамлекеттик ишканасы жүргүзүүдө.
Ишкананын өкүлү Муса Бердигуловдун белгилегенине караганда, учурда объектте көптөгөн курулуш техникалары иштеп жатат. «Көк-Арттын боюнда курулуп жаткан жаңы жол Бишкек—Ош трассасын Манас—Благовещенка жолуна туташтырат. Жаңы жолдун узундугу 9 км 200 метр, туурасы 8 метр болот. Долбоордун каржылануы республикалык бюджеттин эсебинен жүргүзүлүүдө. Азыркы учурда баштапкы иштер башталды, параллелдүү түрдө смета жана долбоордук документация иштелип жатат. Иште 22 самосвал, 2 жүктөгүч, 2 экскаватор жана 1 грейдер колдонулууда», - деп билдирди Бердигулов.
Курулуштун ушул жылдын аягына чейин аякташы пландалууда. Андан кийин жаңы жол Манас шаарына альтернативдүү кирүү жолу болуп калат.
