Жогорку Кенештин агрардык саясат, экология жана жер пайдалануусу боюнча комитетинин жыйынында суу ресурстары, айыл чарба жана тамак-аш өнөр жайы министри Бакыт Торобаев жакында боло турган жазгы талаа иштерине даярдык жөнүндө маалымат бөлүштү.
Ал күйүүчү-майлоочу материалдардын запасы 40,4 миң тонна дизель отуну жана 9,7 миң тонна бензинди түзөрүн белгиледи. Автозаправка станцияларында бул отундардын жетиштүү көлөмдө бар экенин айтты.
«Мындан тышкары, мамлекеттик материалдык резервдер фонду аркылуу фермерлерге литрине 74 сом баада 7 миллион тонна дизель берилет. Бул жылы ГСМ менен камсыздоодо көйгөйлөр болорун күтпөйбүз», - деп кошумчалады Торобаев.
