Жогорку Кенештин жыйынында суу ресурстары, айыл чарба жана кайра иштетүү өнөр жайы министри Бакыт Торобаев 2026-жылы Кыргыз Республикасынын агроөнөржай секторуна 40 миллиард сомдон ашык каражат бөлүнөрүн билдирди.
Ал мындай чаралар жазгы талаа иштерин сапаттуу жана убагында өткөрүүнү камсыз кылууга, ошондой эле фермерлерди колдоого багытталганын белгиледи. Бул максаттар үчүн министрлер кабинетинин мамлекеттик программаларды жана бюджеттен каржыланган долбоорлорду ишке ашырып жатканын айтты.
Министрдин айтымында, 2026-жылга карата: республикалык бюджеттен 6 миллиард сом, атайын эсептен 1,5 миллиард сом, мамлекеттик инвестициялык долбоорлордон 11 миллиард сом, капиталдык салымдар боюнча 14,3 миллиард сом жана жети мамлекеттик колдоо программасынан 9,3 миллиард сом каралган.
