Улуттук статистика комитети берген маалыматка ылайык, 2026-жылдын январь айында валовой ички продукт (ИДП) 125,7 миллиард сомду түзүп, бул өткөн жылдын ушул айына салыштырмалуу 9%га жогору.
ИДПнын өсүшү товар өндүрүшү, кызмат көрсөтүү жана таза салыктык кирешелердин оң динамикасы аркылуу жетишилди. Айрыкча, товар өндүрүшүнүн өсүү темпи 11,8%га, ал эми кызмат көрсөтүүлөр 8,9%га өстү. Таза салыктык кирешелер 5,4%га көбөйдү.
Валовой ички продукттун структурасында эң чоң үлүштү, 52,3% түзгөн кызмат көрсөтүүлөр ээлеп, бул өткөн жылдын январь айына салыштырмалуу 2 пайыздык пунктка төмөн. Ошол эле учурда, товар өндүрүшүнүн үлүшү 4,2 пайыздык пунктка жогорулап, 30,7%ды түздү.
Өнөр жай секторунун үлүшү 4,3 пайыздык пунктка өстү, курулуштун үлүшү 0,3 пайыздык пунктка көбөйдү, ал эми айыл чарба өткөн жылдын ушул мезгилине салыштырмалуу 0,4 пайыздык пунктка төмөндөгөн.
