Кыргыз Республикасынын экономика жана коммерция министринин орун басары Чоро Сейитов бүгүнкү брифингде өлкөнүн экономикасы 2030-жылга чейин пландаштырылган көрсөткүчтөрдү ашып өтүшү мүмкүн экенин билдирди.
Ал белгилегендей, $30 млрд деп белгиленген ориентирге карабастан, учурдагы экономикалык абал көбүрөөк позитивдүү натыйжаларга үмүттөнүүгө мүмкүндүк берет.
«Биздин алдын ала баалоолорубуз бул деңгээлди ашып өтө аларыбызды көрсөтүп жатат. 2030-жылга чейин ИДПнын көлөмү болжол менен $31-32 млрд жетет деп күтүп жатабыз. 2025-жылдын жыйынтыгы боюнча биздин ИДПбыз болжол менен 2 трлн сомду түзөт, бул адам башына эсептегенде $3 миңге туура келет», - деди ал.
2026-жылга пландар боюнча Чоро Сейитов мекеме экономика өсүшүн 8,5-8,6% деңгелинде күтүп жатканын белгиледи. Бул өсүш бардык экономикалык секторлор тарабынан колдоого алынат деп болжолдонууда.
2026-жылдагы өсүштү камсыз кылган негизги факторлор:
- курчуучу сектор;
- кызматтар;
- өнөр жай жана кайра иштетүү;
- транспорт жана логистика.
