Казакстандын Генералдык прокуратурасынын укуктук статистика жана атайын эсептер сайтында боксер Дмитрий Биволдун мурдагы жубайы Екатерина Биволду издөөгө байланыштуу маалымат пайда болду.
Маалыматтарга ылайык, Екатерина Бивол Казакстандын Ички иштер министрлигинин демилгеси менен издөөгө алынган. Окуя 2025-жылдын 1-ноябрында Астанада катталган жана анын иликтөөсүн Байконур полициясы жүргүзүүдө.
Издөөдө төмөнкү маалыматтар көрсөтүлгөн:
- Туулган күнү: 1990-жылдын 1-октябры
- Жынысы: аял
- Жарандыгы: ТМД
- Улуту: орус
Мурда Кыргызстанда Екатерина Биволго улуттар аралык жек көрүүдү козутууга байланыштуу кылмыш иши козголгону тууралуу маалыматтар болгон. Кейин Казакстандын Ички иштер министрлиги анын издөөгө алынганын тастыктады.
Екатерина Бивол — белгилүү орус боксчусу Дмитрий Биволдун мурдагы жубайы, ал WBA версиясы боюнча жарым оор салмакта дүйнө чемпиону. 2023-жылы ажырашкандан кийин ал бир нече чыр-чатактардын борборунда калды. Октябрь айында ал социалдык тармактарда ар кандай улуттардын өкүлдөрүнө карата жаман сөздөр менен видеолорду жайгаштырган.
