Казакстандын Улуттук коопсуздук комитетинин пресс-кызматы Алматыда беш чет элдик жарандан турган топтун пландаштырган террордук актын алдын алуу тууралуу маалымдады. УККнын маалыматына ылайык, окуя 2025-жылдын сентябрь айында даярдык этапында, ведомствонун кызматкерлери кырдаалга кийлигишкенде алдын алынды.
Бардык шектүүлөр кармалып, камакка алынды. Комитетте тергөө улантылып жатканын белгилешти.
Мындан тышкары, акыркы эки айдын ичинде терроризмди пропагандалоо шектөөсү менен Казакстандын сегиз жараны кармалды, алардын алтоо террордук жана экстремисттик аракеттери үчүн ар кандай мөөнөттөргө жазага тартылды. Бул жылдын башынан бери терроризм менен байланышкан кылмыштар үчүн 89 адам жоопкерчиликке тартылды, алардын ичинде алты чет элдик бар.
