– Учурда Алматы – Тамчы түз авиарейси уюштурулган, бирок бул жетишсиз, – деди Темир Сариев. – Алматы – Чолпон-Ата ылдамдык жолун куруу керек. Жол Кемин, Михаиловка аркылуу өтөт. Биздин органдарына бул маселени иштеп чыгуу тапшырмасын берсе болот. Биздин тараптан Кеминге (Бишкек – Нарын – Торугарт) чейин жол бар. Жол бүтүп калганда, аралык 250 км гана болот. Казакстандыктар Ысык-Көлгө 2,5 саатта жетишет.
Карим Масимов болсо автожолду куруу маселесин колдоп, Казакстандын тиешелүү мамлекеттик органдарына жаңы автотрассаны түзүү маселесин тездетүүнү тапшырды.
Эскертүү керек, негизинен Казакстандын тургундары Ысык-Көлгө Алматы аркылуу барышат. Казакстандын түштүк борборунан Чолпон-Атага бир тарапка жол жүрүү убактысы чек арадан өтүүнү эске алганда, болжол менен 10 саатты түзөт. Ошондой эле жакында «Алматы – Тамчы – Алматы» чартердик рейси ачылды, ал жумада эки жолу – дүйшөмбү жана жума күнү жүргүзүлөт.
