«Алматы – Чолпон-Ата» жолунун курулушу 2017-жылдын башына чейин аякталат

Жаңы «Алма-Ата – Ысык-Көл» автожолунун узундугу 280 чакырымды түзөт. Мындай сандар Кыргызстандын жана Казакстандын өкмөттөрү арасында жаңы трассаны куруу боюнча келишимде келтирилген.

Проектте маршрут Казакстандагы Михайловка айылынан өтүп, андан кийин кыргыз шаарлары Кемин, Балыкчы аркылуу Чолпон-Атага чейин уланары көрсөтүлгөн. Бул проектти ишке ашыруу үчүн 48 чакырым жаңы трасса салуу керек болот. Казак тарап «Алма-Ата – Узынагаш» жолунун бөлүгүн модернизациялоосу керек.

Кыргызстандын үлүшүнө Чүй чек арасындагы жаңы көпүрөнү куруу жана Казакстан менен чекеден Кеминге чейин 1,5 чакырым жол салуу кирет. «Кемин – Балыкчы» участогун реконструкциялоо кыргыз тарап тарабынан быйылкы жылы аякталган.

Келишим ратификацияланган соң, Казакстан жана Кыргызстандын парламенттери тараптар бир айдын ичинде «Алма-Ата – Кастек – Кемин – Ысык-Көл» автожолун куруу үчүн жер тилкелерин бөлүп берүү маселесин чечүүгө милдеттенишет.

– Бөлүнгөн жер тилкелеринде проектти ишке ашырууга катышкан мамлекеттердин жарандарын тоскоолдуксуз өтүү жана кыймылдоо укуктары берилет, курулуш учурунда жана кийин автожолду пайдаланууда. Тараптар мамлекеттик-жеке өнөктөштүк принциптеринде проектти ишке ашырууну пландашууда, ал эми ишке ашыруу формасын биргелешкен комиссия аныктайт, – деп жазылган «Чолпон-Ата – Алма-Ата автожолунун курулушу» проектинде.

Биргелешкен комиссия жаңы трассаны түзүү үчүн керектүү жумуштардын көлөмүн жана материалдык ресурстарды эсептейт, ошондой эле инвестиция суммасын аныктап, автожолду куруу үчүн каражат тартуу булактарын табат. Тараптар ошондой эле толук техникалык-экономикалык негиздемени, проект-сметалык документацияны жана тендердик документациянын проектин даярдашат. Жолдун курулушун болжол менен 2017-жылдын веснасына чейин аяктоо пландалууда.