2025-жылдын 25-октябрында Бишкек шаарындагы Свердлов райондук сотунун тергөө судьясы тергөө кызматкеринин В.Ю. жана В.Т. жарандарын камакка алуу чарасын колдонуу боюнча өтүнүчүн канааттандырды. Бул тууралуу ведомствонун маалымат кызматы билдирет.
Эки шектүү азыр 2025-жылдын 24-декабрына чейин камакта.
Эскертүү керек, 24-октябрда укук коргоо органдарына Фрунзе көчөсүндөгү турак үйдүн балкондон бир аялдын кулаганы тууралуу маалымат келип түшкөн. Ошол эле күнү милиция кызматкерлери батирде болгон чет элдик жарандарды кармашты. Тергөө уланууда.
