Гүлшан Муратова Кадамжай шаардык мэриясынын аппарат жетекчисинин милдетин аткаруучу болуп дайындалды.
Резюме:
Муратова Гүлшан Тургуновна
Туулган күнү — 1975-жылдын 26-январы, Орозбекова айылы, Кадамжай району.
Билим:
1994–1999-жылдары И.Арабаев атындагы Кыргыз мамлекеттик педагогикалык университетинде химия жана биология мугалими квалификациясын алган.
Эмгек иши:
1999–2001-жылдары Бишкектеги И.Арабаев атындагы экология жана табигый ресурстар институтунда мугалим болуп иштеген.
2003–2006-жылдары №69 гимназиясынын 1-корпусунда тарбия иштеринин орун басары болуп кызмат кылган.
2001–2008-жылдары Бишкектеги Токтогул Сатылганов атындагы №69 гимназиясында химия жана биология сабагын берген.
2010–2013-жылдары Бишкектеги А.Осмонов атындагы №68 гимназиясында биология жана химия мугалими болуп иштеген.
2014-жылдын 18-ноябрында Кадамжай районунун билим берүү бөлүмүнүн методисти болуп дайындалган.
2017-жылдын 23-октябрына чейин ошол эле бөлүмдө башкы адис болуп иштеп келет.
Сыйлыктар:
Сыйлыктардын арасында Кадамжай райондук билим берүү бөлүмүнүн Ардак грамотасы, Кадамжай райондук мамлекеттик администрациясынын Ардак грамотасы, Кадамжай РОВДнын Ардак грамотасы, Баткен облусунун Ички иштер башкармалыгынын Ардак грамотасы, КРнын Билим берүү жана илим министрлигинин Ардак грамотасы, ошондой эле КРнын Билим берүү жана илим министрлигинен «Билим берүүнүн мыктысы» төш белгиси бар.
Кошумча:
Гүлшан уулун тарбиялап жатат.
