Кырсык 2025-жылдын 7-декабрында саат 19:45 чамасында Орозбеков көчөсүндө, Ош—Баткен—Раззаков жолунун бөлүгүндө болду. Укук коргоо органдарынын маалыматына ылайык, кырсык «Daewoo Tico» унаасынын айдоочусу Н.Д. менен каршы тилкеге чыккан «Ford» пикабынын ортосунда болду.
«Daewoo Tico» унаасындагы эки жүргүнчү — 38 жаштагы Х.Н. жана курагы жетпеген Ю.М. — окуя болгон жерде каза болушту. Айдоочу Н.Д. оор жаракат алып, ооруканага жетпей, тез жардам унаасында көз жумду.
Текшерүү иштери уланууда, кырсык боюнча 312-беренеге («Жол кыймылынын коопсуздук эрежелерин жана автоунаа транспортун пайдалануу эрежелерин бузуу») ылайык кылмыш иши козголду. «Ford» пикабынын айдоочусу, 35 жаштагы Т.Т., кармалып, Кадамжай РОВДсынын убактылуу кармоо жайына киргизилди.
Учурда бардык зарыл текшерүү иштери жүргүзүлүүдө.
